Владимир Путин 2021-æм азы августы нæ регионы разамонæгæн цы амынддзинæдтæ скодта, уыдон сты ахсджиаг, æмæ сæм бæстон цæстдард цæуы федералон Хицауады
Цæгат Ирыстоны социалон-экономикон рæзтыл æмæ Уæрæсейы президенты уынаффæтæ куд æххæстгонд цæуынц, ууыл бæстон æрныхас кодтой нæ бæстæйы вице-премьер Александр Новак æмæ республикæйы Сæргълæууæг Сергей Меняйло. Александр Новак куыд загъта, афтæмæй, Уæрæсейы Президент Владимир Путин 2021-æм азы августы нæ регионы разамонæгæн цы амынддзинæдтæ скодта, уыдон сты ахсджиаг, æмæ сæм бæстон цæстдард цæуы федералон Хицауады. Фыццаградон нысанты хсæн ис – Дзæуджыхъæуы комплексон рæзтыл куыст. Бæлвырддæр та ног микрорайонтæ аразын. Уымæн та хъæуы мастер-пълан сфидар кæнын. Вице-премьер бабар кодта бæрнон документ 2023-æм азы майы онг ацæттæ кæнын. Сергей Меняйло ма фехъусын кодта, корпораци ВЭБ.РФ-ы архайды тыххæй. Уый фæрцы фæрæзтæ дих кæндзысты, республикæйы территорийы промышленнон, инфраструктурон æмæ экспортон проекттæн. Ныртæккæ ныхас цæуы паддзахадон корпораци «Ростех»-имæ æмгуыстадыл. Йе ххуысæй Цæгат Ирыстоны арæзт æрцæудзæн промышленнон технопарк радиоэлектрон къабазы. Уымæй дарддæр ВЭБ.РФ фæрæзтæ радих кæндзæн Дзæуджыхъæуы ног скъолайы арæзтадæн. Уыдзæн дзы 1100 бынаты. Уæлдай æргом аздæхтой Беслæны рæзты генералон пъланы мадзæлттæм. Сергей Меняйло куыд загъта, афтæмæй 17 объектæн фæрæзтæ радих кодтой æххæстæй. Ноджыдæр ма 7 объекты тыххæй курдиæттæ арвыстой федералон оргæнтæм. Æркæсдзысты сæм 2023-24 азты.
