Йæ хъуырцæгæй спутникы сигнал лæвæрд нал цыди 3 мæйæ фылдæр
Цæгат Ирыстоны ссардтой кавказаг стай Батразы. Йæ хъуырцæгæй спутникы сигнал лæвæрд нал цыди 3 мæйæ фылдæр. Республикæйы æрдзы министрады пресс-службæйæ куыд фехъусын кодтой, афтæмæй хъæддаг сырды бафиппайдтой нæ кæмттæй иуы фæндагмæ хæстæг, æмæ йæ адæм систой сæ телефонтæм. Батраз кæй раздæхт, уый фадат дæтты Цæгат Ирыстоны леопардты лæппынтæ фæзынынæн, зæгъынц ахуыргæндтæ. Уæ зæрдыл уын æрлæууын кæндзыстæм, Батразы хъуырцæгæй сигнал нал цыди ивгъуыд азы 21-æм октябры. Уымæ гæсгæ тæссаг уыди, сырх чиныгмæ цы цæрæгой хаст æрцыди, уый кæй фæци браконьерты амæттаг. Специалисттæ дарддæр сæ цæст дарынц леопард Агуындæмæ дæр. Ныртæккæ бæрæг у уый, æмæ Агуындæ Ирыстоны фæцыди 867 километры.
