Трагеди æрцыд 17 азы размæ
Цæгат Ирыстоны ссардтой Колкайы цъитийы азарæй чи фæмард уыдоны ном. Трагеди æрцыд 17 азы размæ. Уæ зæрдыл уын æрлæууын кæндзыстæм 2002-æм азы 20-æм сентябры Гæналдондоны комы ратыдта Колкайы цъити. Ихзæй йæ быны асаста Хъæрмæдоны хъæу æмæ ахæлиу комы 33 километры. Ламидæтты, цъыф æмæ дурты амæдтаг баисты 125 адæймаджы, уыдонæй ссардтой æрмæстдæр 19-ы. Æбæрæгæй сæфтыл нымад сты 106 адæймаджы, уыдонимæ зындгонд артист Сергей Бадровы къорд æмæ бæхты театр «Нарты» -йы артисттæ. Абон райсомæй республикæйы сæргълæууæг Битарты Вячеслав, хицауады сæрдар Тъускаты Таймураз, парламенты спикер Алексей Мачнев æмæ æндæр ведомтсвæты разамонджытæ дидинджытæ сæвæрдтой Хъобаны, æрдзон фыдбылызы амæдтæгтæн цы цыртдзæвæн сарæзтой уым.
