Уый тыххæй, проект «Хицауадимæ æргом ныхас»-ы фæлгæты фехъусын кодта Президенты цур республикæйы минæвар Дзанайты Барис.
Цæгат Ирыстоны студенттæй Мæскуыйы чи ахуыр кæны, уыдонæн сæ бон зæрдæ дарын у, куыст ссарынæн сын кæй баххуыс кæндзысты, ууыл. Уый тыххæй, проект «Хицауадимæ æргом ныхас»-ы фæлгæты фехъусын кодта Президенты цур республикæйы минæвар Дзанайты Барис. Цæгат Ирыстоны хицауады сæрдары хæдивæг дзуæппытæ радта журналистты фæрстытæн. Æмбырды ныхас цыди, нысанон программæтæ куыд æххæстгонд цæуынц, ууыл. 177 милуаны дихгонд æрцыди фельдшерон-акушерон пункттæ байгом кæныны хъуыддагæн, цалдæр районы фæзынди нырыккон спортивон залтæ. Дзанайты Барис радзырдта фидæны азы нысанты тыххæй дæр. Республикæйы цæудзысты Уæлахизы 75 азы кадæн мадзæлттæ. Уымæй уæлдай цæттæ кæнын райдайдзысты Аланийыл дзуæрттæ куы бафтыдтой, уый 1100 азы сбæрæг кæнынмæ. Дзанайты Барис бæстонæй æрдзырдта республикæйы туристон кластеры рæзтыл дæр. Хæстæгдæр рæстæг æххæстгонд цæудзæн проект «Мамысон»-ы проект, стæй Дыгуры районы аразын райдайдзысты ног туристон базæтæ.
