Уыцы сидт сфидар кодтой Дзæуджыхъæуы сылгоймæгты Советы конференцийы
Цæгат Ирыстоны сылгоймæгтæ мады боны фæдыл арфæтæ ракодтой Мæхъæлы республикæйы сылгоймæгтæн, æмæ сæм фæсидтысты, цæмæй кæрæдзимæ уæм хæларзæрдæ æмæ æмзонд. Уыцы сидт сфидар кодтой Дзæуджыхъæуы сылгоймæгты Советы конференцийы. Архайдтой дзы нæ республикæйы æппæт районты минæвæрттæ. Документы фыст ис, этникон ныхмæлæуддзинады æмæ дины экстремизмы ныхмæ иумæйагæй кусын кæй хъæуы, уый. Æхсæнадон организацийы сты, фæстаг рæстæг цы загъдкъахæн ныхæстæ фæзынынц, уыдоны ныхмæ. Уымæн æмæ адæмыхæтты хсæн кæрæдзи æмбарынады бæсты парахат кæнынц æппæрццæг хъуыдытæ. Сылгоймæгты Советы конференцийы архайджытæ ма бакастысты Цæгат Ирыстоны Сæргълæууæджы æмæ Парламенты номыл курдиат дæр. Уым фыссынц, зæгъгæ, Зæдæлескы Нанайы бæрæгбон официалон æгъдауæй фæлладуадзæн бонæй снысан кæнын. Советы сæрдар Хабцыты Ларисæ ма алы дæсныйæдты минæвæрттæн, сæ активон æхсæнадон архайды тыххæй радта майдантæ æмæ кады гæххæттытæ. Кадджын хæрзиуæджы аккаг сси не мкусæг, Цæгат Ирыстоны адæмон артисткæ Хъулаты Земфирæ.
