Æрмæст 2025-æм азы 10 мæймæ ацы хъуыддаг сæххæст кодтой 6 мин транспортон фæрæзæй фылдæр
Цæгат Ирыстоны таможняйы специалисттæ нысан кæнынц, фæстаг рæстæг машинæтæ хыгъды æвæрыны процедурæ æххæст кæнын райдыдтой дзæвгар фылдæр. Æрмæст 2025-æм азы 10 мæймæ ацы хъуыддаг сæххæст кодтой 6 мин транспортон фæрæзæй фылдæр. Уый бæттынц, утилизацион æмбырды бæрц кæй фæфылдæр уыдзæн, уыимæ. Бæлвырддæр радзурдзæн Хъайтмазты Дзерассæ.
Фарон таможняйы хыгъды æвæрыны процедурæ сæххæст кодтой 3 мин машинæйæ чысыл фылдæр. 2025-æм азы 10 мæймæ та – 6 мин транспортон фæрæзæй фылдæр. Ацы хъуыддаг специалисттæ бæттынц, утилизацион æмбырды бæрц кæй фæфылдæр уыдзæн, уыимæ. Уый у æнæмæнг хъалон – бафидынц æй иу хатт – машинæ æлхæнгæйæ, цæмæй йæ фидæны æдасæй утилизаци скæной.
Иннæ транспортон фæрæзтæн ставкæтæ баст уыдзысты æрмæст змæлынгæнæджы бæрцимæ нæ, фæлæ йæ хъомысимæ дæр. Хыгъды æвæрыны процедурæ зын нæу. Æппæт хъæугæ документтæ сбæлвырд кæнынæн закъонмæ гæсгæ нысангонд ис 5 кусгæ боны, фæлæ хъуыддагыл та бацахсы иу бон.
Цæгат Ирыстоны таможняйы минæвæрттæ куыд загътой, афтæмæй æрмæст октябрьмæ хыгъды æвæрыны процедурæ ацыдысты мин машинæйæ фылдæр. Уый размæйы бæрæггæнæнтимæ абаргæйæ, уый зынгæ фылдæр у.
Цæмæй машинæтæ хыгъды æвæрыны процесс ма æрлæууа, уый тыххæй Цæгат Ирыстоны таможня посты куысты фæтк скодта æнæ æрлæудæй æмæ æнæ фæлладуадзæн бонтæй.
