25 марта 2026, 11:31
Цæгат Ирыстоны театралон аивады Музейы ацыд лекци «Ирон адæмы мифологон кафты театр»
Филологон наукæты кандидат Сæлбиты Тамерлан радзырдта ирон адæмы традицион кафты æгъдæутты тыххæй
«Ирон адæмы мифологон кафты театр». Ахæм сæргондимæ лекци ацыд Цæгат Ирыстоны театралон аивады Музейы. Филологон наукæты кандидат, Уæрæсейы наукæты академийы дзæуджыхъæуккаг наукон центры скифаг-алайнаг иртæстыты центры раззагдæр наукон кусæг Сæлбиты Тамерлан радзырдта ирон адæмы традицион кафты æгъдæутты тыххæй. Уыцы темæйыл равдыстой видеоæрмæг дæр. Лекцимæ цымыдисæй байхъуыстой культурæйы колледжы студенттæ æмæ хистæр кары адæм. Музейы кусджытæ куыд бафиппайдтой, афтæмæй ахæм мадзæлтты фæрцы фæсивæд се ргом здахынц национ культурæмæ, æмæ архайынц йæ бахъахъхъæныныл.
темæмæ гæсгæ
