Кæд эпидемиологон уавæр уæззау уыд, уæддæр организаци йæ куыст нæ баурæдта
Цæгат Ирыстоны театралон архайджыты цæдис скодта хатдзæгтæ йæ афæдзы куыстæн. Кæд эпидемиологон уавæр уæззау уыд, уæддæр организаци йæ куыст нæ баурæдта. Хуынд артисттимæ онлайн хуызы арæзтой дæсныйадæвдисæг ахуыртæ. Цæдис сарæзта регионты хсæн хихъæппæрисадон театрты фестиваль-конкурс «Маленькие трагедии на большой сцене», районты театрты фестивальтæ «Адæмон театртæ» æмæ «Театралон уалдзæг». Цæдис сси инклюзивон фестиваль «Шаг к успеху»-йы саразджыты хсæн. Ацы аз ма Цæгат Ирыстоны байгом 3 инклюзивон театры, сæ иу Мæздæджы районы «Солнечный город для солнечных детей». Театралон архайджыты цæдисы сæргълæууæг, Уæрæсейы сгуыхт артист Губиаты Хъазыбеджы ныхæстæм гæсгæ, афæдзы сæйраг цауыл та нымайынц Хуссар æмæ Цæгат Ирыстоны театралон цæдисты иудзинад. Арæзт цыд иумæйаг гастрольтæ. Хатдзæгтæгæнæн æмбырды ма æвдисæндартæ лæвæрд æрцыд цæдисы 36 ног уæнгæн. Фæбæрæг кæнын ма хъæуы уый дæр æмæ Цæгат Ирыстоны театралон кусджыты цæдис кæй у тæккæ стырдæр Хуссар Федералон зылды. Ис дзы 251 адæймаджы. Фембæлды рæстæг æркастысты фидæны пълæнттæм. Фæнд кæнынц сæвæрын егъау спекталь сæвæрын Хуссар Ирыстоны, Ирон æмæ Дыгурон театрты актертимæ, рауадзын чиныг «Антология осетинской драматургии» рауагъдад «Харизма», стæй районты байгом кæнын инклюзивон театртæ.
