Ахæм бæрæггæнæнтæ æрхæссæн ис Дзæуджыхъæуы, Алагиры, Горæтгæрон, Æрыдоны æмæ Дыгуры районты.
Профилактикæйы æппæт субъекттæ хъуамæ арæзт уой сæйраг хæс сæххæст кæнынмæ. Уымæ та хауы — æнахъом сывæллæтты хсæн барадхæлдтытæ не руадзын. Ууыл ныхас цыд, æнахъом сывæллæтты фарстаты фæдыл ведомствоты хсæн къамисы радон æмбырды. Амыдта йæ республикæйы хицауады вице-премьер Азымты Иринæ. 2018-æм азимæ абаргæйæ, фарон Цæгат Ирыстоны территорийы фæфылдæр æнахъом фæсивæды хсæн фыдракæндты нымæц. Ахæм бæрæггæнæнтæ æрхæссæн ис Дзæуджыхъæуы, Алагиры, Горæтгæрон, Æрыдоны æмæ Дыгуры районты.
Азымты Иринæйы хъуыдымæ гæсгæ, рæзгæ фæлтæры ахуырадон процессы чи архайы, уыцы организацитæ хъуамæ кусой æнгомдæр æмæ ахадгæдæр. Тынг ахсджиаг у ахуыргæнæндæтты куысты анализ скæнын. Стыр æргом аздахын хъæуы, фæсивæд кæм хъомыл кæнынц, уыцы бинонтæм. Къласы разамонæг æнæмæнг хъуамæ цæуа бинонтæм, æркæса сæ уавæртæм, æмæ ма кæна æмбарынгæнæн куыст дæр. Уыимæ ма 2020-æм азы 1-æм сентябрæй фæстæмæ кълæсты разамонджытæ федералон бюджетæй исдзысты уæлæмхасæн фиддонтæ, загъта вице-премьер.
Къамисы ацы азы куысты нысантыл дзургæйæ, Азымты Иринæ йе ргом аздæхта, фæллойы æмæ социалон рæзты Министрад цы документыл бакуыста, уымæ. Уырдæм хаст æрцыдысты республикæйы æххæстгæнæн хицаудзинады оргæнты æмæ, федералон разамынд кæмæн ис, уыцы территориалон структурæты хъуыдытæ. Æмбырды архайджытæ ма æрныхас кодтой, профилактикон системæйы æмæ фæсивæдон æхсæнадон иугæндты архайдыл. Къамисы уæнгтæ хорзыл банымадтой, æнахъом сывæллæтты хъуыддæгты фæдыл территориалон къамисты куыстмæ ивддзинæдтæ бахæссын дæр.
