Йæ саразджытæ адæмы размæ рахастой цымыдисаг программæ
Цæгат Ирыстоны цæрджытæ сбæрæг кодтой Горæты æмæ республикæйы бон. Йæ саразджытæ адæмы размæ рахастой цымыдисаг программæ. Дихгонд æрцыд дыууæ боныл. Терчы былгæрон куыстой фæзтæ, уыдонæй бирæтæ, традицимæ гæсгæ, уыдысты национ тематикæимæ баст. Ирон чъиритæ æмæ цыхты фестиваль, сæрдыгон кинотеатр, товæрттæ аразджыты армукъатæ, концертттæ… Мадзалмæ æрбацæуджытæм стыр цымыдисдзинад сæвзæрын кодта рагон мащинæты равдыст. Куыд æрвыл хатт, афтæ ныр дæр фестивалы рæстæг ацаходæн уыд алыхуызон ирон чъиритæ. Уæдæ сывæллæттæн та арæзт æрцыд сæрмагонд программæ – алыхуызон хъæзтытæ æмæ ирд хи ирхæфсæн мадзæлттæ. Фыццаг хатт та дзы равдыстой уæлæдарæсы фестиваль «Рон». Бæрæгбоны парахатæй равæрдтой бынæттон армдæсныты продукци. Дзæуджыхъæуы цæрджытæ æмæ уазджытæ систы бирæ дысныйадæвдисæг ахуырты архайджытæ. Бæрæгбон ахицæн стыр концертон программæйæ Сæрибары фæзы, æмæ зæрдæмæдзæугæ ахорæнтæй фæлыст фейерверкæй.
