Ног фæлтæры разамонджытæ æппæт бæстæйæ, алы æмвæзады къæпхæнтæ ацæугæйæ, равдисдзысты æрмæст хиуыл нæ, фæлæ æнæхъæн командæйыл дзуапп дæттыны мадзæлттæ
Цæгат Ирыстоны цæттæ кæнынц æппæтуæрæсеон конкурс «Лидеры России»-мæ. Ног фæлтæры разамонджытæ æппæт бæстæйæ, алы æмвæзады къæпхæнтæ ацæугæйæ, равдисдзысты æрмæст хиуыл нæ, фæлæ æнæхъæн командæйыл дзуапп дæттыны мадзæлттæ. Райдайгæ разамонджытимæ фембæлд не сфæлдыстадон къорд дæр. Бæлвырддæр Касаты Наирæ.
Бæстæйы фидæны разамонджытимæ ерысхъом уæвын. Конкурсы девиз хуымæтæг дзырдтæ не сты, зæгъы, Хъайтыхъты Георгий. Федералон Антимонополон службæйы регионалон Управленийы разамонæджы хæдивæг, фыццаг сезоны уæлахиздзау зæгъы, конкурс «Лидеры России»-йы тыххæй базыдта æнæнхъæлæджы, радиойæ. Æнцонæй ацыди æппæт къæпхæнтæ. Гыццыл тыхсæгау кæнын райдыдта æрмæстдæр финалмæ, уымæн æмæ æмбæрста проекты ахадындзинад.
Уæд дæр иу бынатмæ бирæ адæм цыди. 600 адæймагæй фылдæр. Ахæм интеллектуалон ерыс стыр ахъаз у, фидæны уæрæх фæндагмæ рацæуынæн. Проекты архайыны хæдфæстæ Георгийы уыцы иу рæстæг куыстмæ æрбахуыдтой цалдæр бынатмæ. Алы регионтæй, уыимæ Мæскуыйæ дæр. Фæлæ йæ бафæндыди йæ райгурæн Ирыстоны баззайын.
Конкурсы иннæ архайæг æмæ финалист та у Баситы Марат. Цæгат Ирыстоны паддзахадон университеты паддзахадон барады кафедрæйы доцент, ивгъуыды та – Дзæуджыхъæуы бынæттон администрацийы фæсивæдон политикæйы комитеты сæрдар. Ныртæккæ студенттæн кæсы конституцион барадæй лекцитæ. Бæстонæй радзырдта конкурсы ахадындзинады тыххæй. Йæхи дæнцæгæй амоны царды хорз фадатæй спайда кæныны гæнæнтæ.
Адон сты бæстæйы кадрты хуыздæр агентадтæ. Уый та ууыл дзурæг у, ис специалистты амынддзинæдтæ райсыны гæнæн. Уымæй улдай, алы къабæзты эксперттимæ æмгуыстад. Регистраци нырма у гом. Конкурс аразджыты ныхæстæм гæсгæ, ныридæгæн райстой 100 мин курдиатæй фылдæр.
