Дзанайты Барис куыд бафиппайдта, афтæмæй архайын хъæуы рагагъоммæ, цæмæй афойнадыл сбæрæг уой аиппдзинæдтæ æмæ иуварсгонд æрцæуой
Цæгат Ирыстоны цæттæ кæнынц сывæллæтты сæрдыгон фæлладуадзæн кампанимæ. Хицауады сæрдар Дзанайты Барис куыд бафиппайдта, афтæмæй архайын хъæуы рагагъоммæ, цæмæй афойнадыл сбæрæг уой аиппдзинæдтæ æмæ иуварсгонд æрцæуой. Ацы азы фæлладуадзæн кампанийы фылдæр æргом здæхт уыдзæнис, мобилизацийы чи бахауд, сæрмагонд æфсæддон операцийы чи архайы æмæ уым уæвгæйæ чи фæмард, уыцы хæстонты сывæллæттæм. Хицауады сæрдары фиппаинагмæ гæсгæ, лагерьты хорз уавæртæ саразын хъæуы рынчын сывæллæттæн дæр. Фæлладуадзæн кампанийы уыдзæнис профилон сменæтæ. Уый тыххæй рагацау хъæуы бацæттæ кæнын педагогты æмæ къордты разамонджыты. Дзанайты Барис куыд загъта, афтæмæй Уæрæсейы рухстауынады министрадмæ арвыстой курдиат, цæмæй Цæгат Ирыстон бахæссой сывæллæтты фæлладуадзæн мадзæлттæ аразыны программæмæ. Йæ фæрцы зынгæ фæфидардæр кæндзысты нæ республикæйы сывæллæтты лагерьты материалон бындур.
