Йæ байгом кæныны кадджын мадзалмæ бацæттæ кодтой æрмдæсныйады равдыст
Цæгат Ирыстоны цæуы 7-æм республикон чемпионат профессионалон дæсныйадæй «Абилимпикс», йе нæниздзинад хъыгдард кæмæн у, ахæм адæмы хсæн. Йæ байгом кæныны кадджын мадзалмæ бацæттæ кодтой æрмдæсныйады равдыст. Сценæйæ чемпионаты архайджытæн раарфæ кодтой конкурс саразджытæ: республикæйы ахуырады министр Алыбекты Эллæ, Национ центр «Абилимпикс»-ы разамонæг Мæхъиты Динæ æмæ регионалон рæзты центры разамонæг Наталья Курбатова. Чемпионаты архайджытæ ерыс кæнынц 13 компетенцийы. Уыдоны хсæн: ирон чъиритæ фыцын, быйын, машинæтæ цалцæг кæнын, æмæ афтæ дарддæр. Уымæй дарддæр ма ацы аз фыццаг хатт арæзт æрцæудзæн уæлдæр ахуыргæнæндæтты хсæн чемпионат райдиан кълæсты ахуыргæнджыты хсæн. Ацы чемпионат цæуы дыууæ боны. Регионалон ерысты уæлахиздзаутæн сæ бон уыдзæн æрвылазон Национ чемпионат «Абилимпикс»-ы архайын. Арæзт æрцæудзæн Мæскуыйы, 20-æмæй – 23-æм октябры онг.
