У федералон проект. Йæ фæлгæты ныронг саив кодтой 152 кæрты æмæ 39 æхсæнадон бынаты
Цæгат Ирыстоны царды æххæстгонд цæуы горæты æнцойвадыты программæ. У федералон проект. Йæ фæлгæты ныронг саив кодтой 152 кæрты æмæ 39 æхсæнадон бынаты. Цæрджытæ сæхæдæг дæр хæссынц сæ фæндтæ æмæ сын сæ аразджытæ æххст кæнынц. Уæдæ цы сты, уыцы фæндтæ æмæ радон хатт кæй кæртмæ базылдысты, уый тыххæй Гутьиаты Алинæйы æрмæг.
Весеннийы уынджы фынддæсæм хæдзары сæ тæмæны сты аивгæнæн куыстытæ. Сæрмагонд техникæ архайы фидæны фистæгæйцæуæн фæндагæн фидар бындур сæвæрыныл. Уый фæстæ кусджытæ къахвæндаг бамбæрздзысты асфальтæй æмæ рамраст кæндзысты машинæты фæндаджы цыппарсæдæ метры. Уыцы иу рæстæг та Мæскуыйаг уынджы æртын æстæм хæдзары кæрты аивгæнæн куыстытæ æрхæццæ сты кæронмæ.
Ацы уаддзагы скодтой рухсгæнæнтæ æмæ сæвæрдтой ног бандæттæ. Цæрджытæ сты разы с ног аивгонд кæртæй.
Дзæуджыхъæуы бирæуæладзыгон хæдзæртты кæртытæ аив кæнынц æнцонархайд горæты тыгъдады программæ æххæсткæнгæйæ. Проектмæ гæсгæ алы кæрты дæр бамбæрздзысты асфальт, сæвæрдзысты бордюртæ, рухсгæнæнтæ, бандæттæ æмæ урнатæ.
Ацы аз программæйы фæрцы саив кæндзысты æхсæрдæс æхсæнадон бынаты æмæ сæдæ æртын бирæуæладзыгон хæдзары кæрты. Проектмæ хауынц республикæйы районтæ дæр. Ацы азы кæронмæ хъуамæ æппæт куыстытæ дæр æххæстгонд æрцæуой.
