08 июля 2021, 13:41
Цæгат Ирыстоны царды уадзынц федералон проект «Детство без опасности»
У, абарæн кæмæн нæй, ахæм проект, æмæ арæзт у сывæллæтты фæндаггон фыдбылызтæй бахъахъхъæнынмæ
Цæгат Ирыстоны царды уадзынц федералон проект «Детство без опасности». У, абарæн кæмæн нæй, ахæм проект, æмæ арæзт у сывæллæтты фæндаггон фыдбылызтæй бахъахъхъæнынмæ. Проект æххæст кæнынц нæ бæстæйы перинаталон центрты æмæ арæндæтты. 2019-æм азæй фæстæмæ программæ апарахат 65 регионыл. Ацы аз æм бафтыд Цæгат Ирыстон дæр. Программæмæ хаст æрцыд сæрмагонд мадзæлтты пълан. Уымæ гæсгæ æрыгон ныййарджыты ахуыр кæнынц æдасдзинады фарстатыл. Бæлвырддæр та – сывæллæтты машинæты раст куыд ласын хъæуы, ууыл. Ивгъуыд аз Уæрæсейы арæзт æрцыд 3 мины æмæ 500 тренингы æрыгон мадæлтæн æмæ сывæрджын сылгоймæгтæн.
темæмæ гæсгæ