Ацы аз дæр та йæ фæлгæты конд æрцæудзысты бирæ хъуыддæгтæ
Цæгат Ирыстоны царды уагъд цæуы национ проект «Æдас æмæ хæрзхъæд фæндæгтæ». Ацы аз дæр та йæ фæлгæты конд æрцæудзысты бирæ хъуыддæгтæ. Цавæр фæндæгтæ æмæ объектæм каст æрцæудзæн, уый базыдта не сфæлдыстадон къорд . Бæстондæр нын сæ кой ракæндзæн Сосранты Жаннæ.
Цалцæггæнæн куыстытæ ацы фæндаджы хайыл конд æрцыдысты 2020 азы. Æдзухдæр дзы вæййы стыр фæндаггон змæлд. Æдасдзинадæн дзы конд æрцыдысты æппæт гæнæнтæ дæр. Уый, специалистты хъуыдымæ гæсгæ, хуыздæрырдæм фæбæрæг хæдтулгæтæ кæуыл цæуынц, уыцы хайыл. Уæвгæ республикæйы, фæстаг æртæ азмæ, сног кодтой регионалон фæндæгты 220 километры. Куыстытæ арæзт æрцыдысты национ проект «Æдас æмæ хæрзхъæд фæндæгтæ»-мæ гæсгæ.
Фæндаггон хыз ног кæныныл специалисттæ архайынц алывæрсыгæй. Цалцæг, канд фæндаджы уæлцъар ивынæй, стæй социалон уагдæттæм хæстæг объекттæм зилынæй нæу. Уæлдай æргом здæхт цæуы фото æмæ видео нысан кæнынмæ. Фæндаггон комитеты 2017-æм азы æвæрд æрцыд 20 камерæйы, 2021-æм азы кæронмæ та систы 79. 2024 – æм азмæ та сæ фæнд кæнынц 125-мæ схæццæ кæнын.
Специалистты ныхæстмæ гæсгæ, фæндаггон инфраструктурæйы уавæр, гæнæн ис, æмæ суа фæндаггон фыдбылызы аххосаг. Фæндæгтыл æдасæй цæуыны Паддзахадон автоинспекцийы бæрæггæнæнтæм гæсгæ 2021-æмæ азы нысангонд æрцыд 759 фæндагон цауы.
Канд фарон фæндæгтыл æдасæй цæуыны Паддзахадон автоинспекцийы специалисттæ радтой 775 амынддзинады бардæттæг оргæнтæн аиппытæ аиуварс кæнынæн.
42 хъуыддаджы та æрвыст æрцыд тæрхондонмæ, афойнадыл амынддзинæдтæ кæй не сæххæст кодтой, уый тыххæй. 37-ыл та сарæзтой административон протоколтæ. Дзæуджыхъæуы «дзыхъхъыты цалцæг» кæй хонынц, ууыл кусынц «СпецЭкоСервис»-ы кусджытæ.
Æмтгæй райсгæйæ, ацы аз фæнд кæнынц сцалцæг кæнын горæты уынгты 15 километры æмæ 50 километры республикæйы районты хсæн уаццæгтæ. Цæгат Ирыстоны фæндæгты иумæйаг дæргъ у 1100 километры. Национ проект «Безопасные и качественные дороги» 2030-азмæ куы адарддæр кæной, уæд республикæйы æмбæлгæ уагыл суыдзысты æппæт фæндæгтæ дæр. Фæлæ ма зæгъын хъæуы уый дæр, æмæ æдасдзинад канд фæндæгты хæрзхъæддзинадæй аразгæ нæу, фæлæ йæ алы архайæгæй дæр.
