06 февраля 2023, 11:27
Цæгат Ирыстоны туджы службæйы куыстуæттæ ныр баиу кодтой стджыты магъзы донорты федералон реестры куыстмæ
Республикæйы тугдæттыны станцæйы гæнæн ис туджы бындураразæг чырæгтæн биоæрмæг радтынæн
Цæгат Ирыстоны туджы службæйы куыстуæттæ ныр баиу кодтой стджыты магъзы донорты федералон реестры куыстмæ. Республикæйы тугдæттыны станцæйы гæнæн ис туджы бындураразæг чырæгтæн биоæрмæг радтынæн. Туг сæмбырд кæнынц, раиртасынц ын йæ хицæндзинæдтæ, донорæн бæззы, æви нæ, стæй дзы цы буаргъæдтæ ис, уый тыххæй. Уый фæстæ, бæрæггæнæнтæ хаст æрцæудзысты стджыты магъзы донорты федералон реестрмæ. Онкологи кæмæ ис, уыцы адæмæн бирæ хæттыты уый вæййы сæ цард бахъахъхъæнынæн иунæг гæнæн.