Фæрæзты иу хай бахардз кæндзысты, 50 ахуыргæнæндоны робототехникæйы къордтæн кусæн æрмæг балхæныныл.
Цæгат Ирыстоны уæлæмхасæн ахуырады системæйы райрæзтæн дихгонд æрцæудзæн 160 милуан сомæй фылдæр.
Фæрæзты иу хай бахардз кæндзысты, 50 ахуыргæнæндоны робототехникæйы къордтæн кусæн æрмæг балхæныныл. Æхца лæвæрд цæуынц регионалон проект «Алы сывæллоны æнтыстдзинад» æххæст кæнгæйæ. Ис национ проект «Ахуырад»-ы фæлгæты. Куыд æххæстгонд цæуы, ууыл ныхас цыди, республикæйы хицауады сæрдар Тускъаты Таймуразы разамындæй цы æмбырд ацыди, уым. Уымæй уæлдай, 15 къласы сифтонг кæндзысты сæрмагонд кусæнгæрзтæй, цæмæй, сывæллæттæм рæзын кæной инженерон-техникон хъуыдытæ. Ахуырады æмæ наукæйы министр Людмила Башарина куыд загъта, афтæмæй ацы ногдзинæдтæ фидæны фадат ратдзысты уæлдæр ахуыргæнæндæттæм бацæуыны системæ фенцондæр кæнынæн. Ныртæккæ уæлæмхасæн ахуырады рæстæгæн йæ 70% лæвæрд цæуынц спортивон æмæ аивадон-эстетикон къабазæн. Æмбырды ма æрныхас кодтой национ проект «Ахуырад»-ы хыгъды цы 6 регионалон программæйы ис, уыдоныл дæр. Бæлвырдæй дзы фыст ис, ахуыргæнджыты квалификаци уæлдæр кæныны системæмæ ивддзинæдтæ бахæссыны, профессионалон æмвæзадæн аргъ кæм кæндзысты, ахæм центры æмæ хистæркъласонтæн профессионалон цæттæдзинады центрты арæзтады мадзæлттæ. Стæй Мæздæджы, Цæлыччы, Хъызлары æмæ Черменыхъæуы ног скъолаты арæзтадтæ. Стратегион нысан у, Уæрæсейы ахуырад дунейы 10 хуыздæр ахуырады системæйы хыгъдмæ бахæссын.
