Уый тыххæй фехъусын кодтой организацион комитет «Уæлахиз»-ы
Куыд æппæт Уæрæсейы, афтæ Цæгат Ирыстоны дæр Уæлахизы Бон ацы аз «Æнæмæлгæ полчы» традицион цыд баивдзысты æндæр форматтæй. Уый тыххæй фехъусын кодтой организацион комитет «Уæлахиз»-ы. Амыдта йæ регионы разамонæг Сергей Меняйло. Республикæйы уынаффæгæнæг, граждайнаг-патриотон змæлд «Уæрæсейы æнæмæлгæ полчы» цæгатирыстойнаг хайады разамонæг Бокоты Эльбрус куыд радзырдта, афтæмæй, æдасдзинадыл хъуыды кæнгæйæ, хаст æрцыд уынаффæ, ацы аз акци традицион хуызы не рвитыны тыххæй. Уыимæ республикæйы цæрджытæн фадат ис сæ хъæбатырты æндæр хуызы æрхъуыды кæныны фадат. Арæзт цæуынц акцитæ «Георгийы лент», «Уæлахизы Рудзгуытæ», «Уæлахизы Тырыса», «Æнæмæлгæ полчы машинæтыл дугъ», «Уæлахизы Вальс» æмæ æндæр ног хъæппæристæ. Афтæ паддзахадон æмæ хи организациты кусджытæн сæ бон у сæ ветеранты портреттæ «Номарæн къулы» равæрын. Уымæй дарддæр скъолаты æмæ рæвдауæндæтты, культурæйы хæдзæртты арæзт цæудзысты тематикон мадзæлттæ. Æхсæнадон бынæтты, паркты æмæ скверты уыдзысты номарæн галерйтæ, Фыдыбæстæйы Стыр хæсты архайджыты портреттимæ. Цæгат Ирыстон у иунæг субъект, æппæт рекламон конструкциты дæр ветеранты портреттæ кæм уыдзысты, ахæм.
