Ахæм хъуыдымæ æрцыдысты, карджын ахуыргæнджыты коронавирусæй бахъахъхъæныны тыххæй
Цæгат Ирыстоны уæлдæр ахуыргæнæндæтты педагогон къабазы факультетты хистæркурсонтæ уроктæ амондзысты, 60 азæй фылдæр кæуыл цæуы, уыцы ахуыргæнджыты бæсты. Ахæм хъуыдымæ æрцыдысты, карджын ахуыргæнджыты коронавирусæй бахъахъхъæныны тыххæй, фехъусын кодтой республикæйы ахуырады æмæ наукæйы министрады пресс-службæйæ. Бирæ ахуыргæнджыты бахъуыди рынчыны гæххæттытæ райсын, фæлæ проекты фæрцы ахуырадон процесс нæ фæкъуылымпы уыдзæн. Ацы уавæрæй уал ныридæгæн спайда кодтой цалдæр скъолайы, æмæ 7 студенты райдыдтой кусын. Ацы практикæйы архайыны бар ис, æрмæстдæр хорз чи ахуыр кæны, ахæм студенттæн. Цæмæй студент йæ куыст райдайа, уый тыххæй скъолайы директоры хъæуы онлайн-формæ баххæст кæнын, æмæ боны æмгъуыдмæ кандидатурæ æвзæрст æрцæудзæн.
