филиал вгтрк государственная телерадиовещательная компания “Алания”

Цæгат Ирыстоны уыд Æхсæнадон палатæйы ног, 8-æм сконды фыццаг æмбырд. Йæ хыгъдмæ бацыдысты 36 адæймаджы. Уыдонæй 12 сфидар кодта республикæйы сæргълæууæг, 12 – Парламент. Иннæ хай та – бынæттон æхсæнадон æмæ æнæкоммерцион организацитæ. Æхсæнадон палатæйы сæрдарæй ногæй равзæрстой Нина Чиплаковайы. Сбæрæг ма кодтой структурæ, профилон къамисты уæнгты æмæ сæрдарты, кусæг къордтæ. Сæйрагдæр хæсыл нымайынц сæрмагонд æфсæддон операцийы архайджытæн æмæ сæ бинонтæн æххуыс, стæй социалон-экономикон фарстатæ лыг кæнын. Æмбырды ма республикæйы Сæргълæууæг Сергей Меняйло Нина Чиплаковайæн радта Уæрæсейы Æхсæнадон палатæйы майдан «Æхсæнады раз сгуыхтдзинæдтты тыххæй».