Архайдтой дзы 59 скъоладзауы бæстæйы алы регионтæй
Цæгат Ирыстоны уыд æрвылазон конкурс системон администрированийæ «Аптайм». Архайдтой дзы 59 скъоладзауы бæстæйы алы регионтæй. Æххæст кодтой æцæг организациты практикон хæстæ. Уый сын радта, сæхи IT специалистты хуызы афæлварыны фадат. Мадзаларазджытæ куыд зæгъынц, афтæмæй ахæм конкурстæ скъоладзаутæн æххуыс кæнынц фидæны дæсныйад равзарыны æмæ практикон фæлтæрддзинад райсыны хъуыддаджы. Бæлвырддæр радзурдзæн Чехойты Фатимæ.
IT- кубы ахуыргæнинаг Максим Кипæйы файлты сервер номинаци «Кейс от партнера»-йы системон администрированийы республикон конкурсы нымад æрцыд хуыздæрыл. Файлтæн ахæм бынат æрхъуыды кæнын, бацæуыны бар æм æрмæст сæрмагонд куыстуаты минæвæрттæн йеддæмæ куыд никæмæн уа – уый уыдис проекты сæйраг нысан. Куыст ыл цыди къуыри, æмæ ныр файлты сервер цæттæ у.
Ацы номинацийы дыккаг бынат бацахста Тигран Джалладян. Фыццаг хатт архайы конкурсы, æмæ йæ къухы бафтыд ахæм æнтыстдзинад. Скъоладзауæн уый у радон къæпхæн йæ профессионалон рæзты. Фæнды йæ йæ цард бабæттын системон администрированийы дæсныйадимæ.
Æрвылазон конкурсы архайдтой 50 адæймаджы. Се *хсæн уыдысты иннæ регионты минæвæрттæ. Бацæттæ сын кодтой алыхуызон хæслæвæрттæ, сæ цæттæдзинадмæ гæсгæ. Йæ саразæг у сывæллæтты нымæцон ахуырадон центр IT-куб.
Скъоладзаутæ æхсызгонæй архайдтой конкурсы. Наукæйы фидæн райдайы абон, ахуырадмæ цымыдисдзинад кæмæ ис, ахæм æрыгон адæмæй.
