Республикæйы музейтæ йæм сæхи хорз бацæттæ кодтой
Цæгат Ирыстоны уыд «Аивæдты æхсæв». Республикæйы музейтæ йæм сæхи хорз бацæттæ кодтой. Сарæзтой бæрæгбоны мадзæлттæ, презентацитæ, лекцитæ, дæсныйадæвдисæг ахуыртæ. Алцыдæр уыд лæвар. Æппæтуæрсеон акци ацы аз снысан кодтой Уæрæсейы театры азæн. Вахтанговы номыл уырыссаг академион театры уыд алы спектакльтæй ист уæлæдарæсы, стæй 1962-æмæй абоны онг афишæты равдыст. Хуыйджыты лицейы дæр бацæттæ кодтой сæхи коллекци- «Древесный лес». Театры уазджытимæ аныхас кодтой йæ сæйраг режиссер Валерий Попов æмæ актертæ Цæллаты Алан æмæ Константин Мойсаимæ. Спектакльтæм уæлæдарæс саразыны сусæгдзинæдтæ раргом кодта хуыйджыты цехы хицау Ольга Мальзова. Уазджытæн ма фадат уыд, театры кулисæты фæстæ цы куыст цæуы уый дæр фенынæн. 18 сахатыл та райдыдта Григорий Горины пьесæмæ гæсгæ æвæрд спектакль «Кин IV». Театрдзаутæ йæм бакастысты лæвар.
