филиал вгтрк государственная телерадиовещательная компания “Алания”

Цæгат Ирыстоны уыд республикон семинар ирон кæлмæрзæн быйынæй. Дæсныйадæвдисæг ахуыртæ арæзт æрцыдысты адæмон сфæлдыстады хæдзары. Архайдтой дзы районты минæвæрттæ, стæй адæмон сфæлдыстады хæдзары цур кæлмæрзæн быйыны студийы æрмдæснытæ æмæ ахуырдзаутæ. Национ æрмдæсныйадæй ахуыртæ республикæйы вæййынц æппынæдзухдæр, фæлæ ахæм стыр мадзал фыццаг хатт арæзт æрцыд. Чи йæ бацæттæ кодта, уыдон куыд зæгъынц, афтæмæй азæй-азмæ ацы рагон æрмдæсныйадмæ цымыдисдзинад кæны фылдæр.