Проект хорзыл банымадта æмæ йæ сфидар кодта республикæйы Ростехнадзор
Зынгсирвæзты тыххæй кæй сæхгæдтой, Цæгат Ирыстоны уыцы стырдæр завод «Электроцинчы» консервацийæн бакуыстой йæ проектыл. Регионы промышленносты æмæ транспорты министрады пресс-службæ куыд хъусын кæны, афтæмæй проект хорзыл банымадта æмæ йæ сфидар кодта республикæйы Ростехнадзор. Куыстуаты территорийы консерваци скодтой рауагъдадон фæзы. Фылдæр æргом дзы *здæхт цæуы алфамблайы æрдз æмæ адæмы æдасдзинадмæ. Заводы консервацийы æмгъуыд у, цалынмæ акционертæ бæлвырд уынаффæтæ нæ рахæссой, уæдмæ. Консервацийы рæстæг заводы цехты райхалдзысты кусæнгæрзтæ, æмæ сæ байсæрддзысты æдасдзинадхъахъхъæнæг æрмæгæй. Уый фæстæ кусæнгæрзтæ батухдзысты полиэтилены, сæвæрдзысты сыл технологон коммуникацитæ, æмæ æндæр хъæугæ фæрæзтæ.
