Афæдзы рдæгмæ сси 6-æм ахæм мадзал
Цæгат Ирыстоны волонтертæ сарæзтой радон экологон акци. Афæдзы рдæгмæ сси 6-æм ахæм мадзал. Бархионтæ сбæлвырд кодтой хауæццæгтæ æмбырдгæнæн пункт. Лæппутæ æмæ чызджытæ бырæттæ фæхицæн кæнынц, уый фæстæ сæ арвитынц ногæй бакусынмæ, кæнæ та скуынæг кæнынмæ. Активистты хъуыдымæ гæсгæ, ахæм хуызы куыст зынгæ фæахадгæдæр кæндзæн æрдзы сыгъдæгдзинад. Волонтертæ куыд зæгъынц, афтæмæй ацы фарстамæ йæ хъус дары горæты разамынд дæр. Дзæуджыхъæуы фæзынди сæрмагонд контейнертæ, цы хауæддзæгтæ дзы æрæмбырд вæййы, уыдон ласт цæуынц бырæттæ хицæнæй æмбырдгæнæн куыстуатмæ. Уым сæ бакусынц ногæй. Ахæм практикæ ног нæу, æнтыстджынæй дзы пайда кæнынц бирæ бæстæты. Æхсызгон уый у, экологийы уавæр хуыздæр кæныны акцимæ адæм се ргом кæй раздæхтой, бирæтæ дзы архайынц æнæхъæн бинонтæй дæр.
