Уыдон æххуыс кæндзысты, аив кæнын кæй хъæуы, уыцы объекттыл хъæлæс кæныны мадзалы
Цæгат Ирыстоны волонтерты штабмæ исынц бархионты. Уыдон æххуыс кæндзысты, аив кæнын кæй хъæуы, уыцы объекттыл хъæлæс кæныны мадзалы. Ныртæккæ уал регистраци скодтой 200 адæймагæй фылдæр. Алы районы дæр сбæрæг кодтой бархионты пункттæ. Уым бæрнон адæм цæрджытимæ кæнынц амонæн куыст æмæ сын дзурынц хъæлæс кæныны фæткы тыххæй. Уыцы пунктты адæмы бон у раттын сæ хъæлæс бæлвырд территорийыл. Уæ зæрдыл уын æрлæууын кæндзыстæм — ацы аз нæ республикæйы, куыд æппæт Уæрæсейы афтæ, сараздзысты иумæйаг онлайн-æвзæрстытæ æмæ дзы сбæрæг кæндзысты, саив кæнын кæй хъæуы, уыцы объекттæ. Мадзал ацæудзæнис 26-30-æм маймæ. Хъæлæс раттæн ис парк кæнæ та доныбылгæроныл, сквер, уынг кæнæ та фæзыл. Фылдæр хъæлæстæ чи æрæмбырд кæна, уыцы объекттæ бахæсдзысты, иннæ аз кæй саив кæндзысты, уыдоны номхыгъдмæ.
