Скъолайы фæлгæты мæскуыйаг специалисттæ скодтой 5 операцийы
Цæгат Кавказы бирæвæрсыг медицинон центры райдыдта йæ куыст герниологийы скъола. Уæрæсейы хирургты æхсæнады цæгатирыстойнаг хайады минæвæрттæ Мæскуыйы Анатолий Логиновы номыл клиникон зонадон центримæ иумæ сарæзтой æппæтрегионалон практикон конференци къуыллаутæ дзæбæх кæныны фарстатыл, буар чысыл бахъыгдаргæйæ. Скъолайы фæлгæты мæскуыйаг специалисттæ скодтой 5 операцийы. Дохтыртæн комкоммæ бастдзинады фæрцы фадат уыд уазджыты куыстмæ кæсынæн æмæ ма сæм фæрстытæ дæттынæн дæр. Уымæй уæлдай ма, мæскуыйаг центры кусджытæ лекциты хуызы дохтырты базонгæ кодтой сæхи фæлтæрддзинадимæ – ног методикæты фæрцы къуыллаутæ куыд дзæбæх кæнынц, уыимæ. Скъолайы куысты архайдтой Цæгат Кавказы федералон зылды регионты хирургтæ.
