филиал вгтрк государственная телерадиовещательная компания “Алания”

Цæгат Кавказы 8 чысыл музейы цæуы, 16-æм нырыккон аивады фестиваль «Аланика»-йы архайджыты хъæппæрисæй цы арт- резиденци æмæ проекттæ гом кæныны марафон сарæзтой, уый. Цалдæр проекты ныридæгæн равдыстой Цæгат Ирыстоны, Цæцæны республикæйы æмæ Дагестаны музейты. Рæстæгмæ æвæрд не сты, фенæн сæ ис алы афон дæр. Марафоны арæнты Дагестаны республикæйы Чуглийы хъæуы равдыстой нывгæнæг æмæ архитектор Зульфия Камаловайы инсталляци «Вглубь». Экспонаттæ сты æрвылбоны кусæнгæрзтæ, аивгæнæнтæ, стæй хæцæнгæрзтæ. Æвдисынц адæймаджы иудзинад æрдзы процесстимæ. Экспозицийы темæ – адæймаджы цард йæ сабибонтæй зæронды бонмæ.