филиал вгтрк государственная телерадиовещательная компания “Алания”

Цæгат Кавказы хæххон металлургон институты арæзт æрцыди Фыдыбæстæйы Стыр хæсты уæлахизы кадæн конференци. Фæсивæды удыхъæд фидар кæныны  æмæ сæм патриотон æнкъарæнтæ гуырын кæныны тыххæй студенттæн бакастысты лекцитæ. Радзырдтой сын, Цæгат Ирыстон райгуырæн бæстæ бахъахъхъæнынмæ цы æвæрæн бахаста, не мзæххон хъæбатыртæ æмæ æдзард салдæтты хъысмæтты тыххæй. Сæйрагдæр та уый, æмæ хъыгагæн ныртæккæ иуæй-иу адæм цæхгæр ивынц истори. Конференци бацæттæ кодтой университеты юридикон факультеты Конституцион барады кафедрæйы хъæппæрисæй. Мадзалы архайдтой ветеранты советы сæрдар æмæ горæты бынæттон администрацийы минæвæрттæ дæр.