Се сфæлдыстадæй адæмы зæрдæ барухс кодтой республикæйы артисттæ æмæ ахуыргæнæндоны рауагъдонтæ
Традицион чи суыдзæни, ахæм ногдзинад. Цæгат-Кавказы хæххон металлургон институты ацыд кадджын мадзал. Се сфæлдыстадæй адæмы зæрдæ барухс кодтой республикæйы артисттæ æмæ ахуыргæнæндоны рауагъдонтæ. Иумæ институты кæрты бындур сæвæрдтой тæгæр бæлæстæй аллейæйæн. Рауагъдонты фембæлд рауад хъæрмуд. Бæлвырддæр уын радзурдзыстæм нæ дарддæры æрмæджы.
Хъыбызты Верæ æхсызгонæй æркæсы æмæ æрымысы йæ студенон азтæ. Ахуыргæнджытæй æмæ йæ йе мкурсонтæй алкæимæ дæр бæтты, цавæрдæр æнахуыр æндахы хал. Цыма, лекцитæм знон цыдысты, æмæ сесситæ хæрз æрæджы лæвæрдтой, афтæ йæм кæсы. Ууыл та рацыд æнусы рдæг. Верæ йæ цард сбаста инженеры дæсныйадимæ. Практикæйы уыди Норильскы, уыди йын дзы баззайыны гæнæн дæр. Фæлæ ссыди йæ райгуырæн Ирыстонмæ.
Моурауты Феликс электромеханикон факультеты фæстæ ацыди хуыздæр цард агурæг. Мурманскы облæсты фæцард æмæ фæкуыста 40 азы. Цæгат Ирыстонмæ сыздæхт 2014-æм азы. Ацы фембæлд дæр уый хъæппæрисæй арæзт æрцыди. Фæндыд æй йе мкурсонтимæ фембæлын. Се рыгоны бонтæ иумæ æрхъуыды кæнын.
Металлургон, хæххон-геологон, арæзтадон, электромехоникон факультеттæ. Институт сæмбырд кодта æрмæст раздæры рауагъдонты нæ, фæлæ ма рагон хæлæртты дæр. Мадзал ацыди рауагъдонты иумæйаг боны фæлгæты. Ацы бон арæзт æрцыди фыццаг хатт. Ныр æй бæрæг кæндзысты æрвылаз дæр, сенябры кæрон. Фембæлд рауад хъæрмуд æмæ æхзызгон.
Кадджын хæйы фæстæ, Хæххон-металлургон институты рауагъдонтæ кæрты ныссагътой тæгæр бæлæсты аллейæ. Талатæ сластой Кæсæг-Балхъарæй. Бæлæсты бæрзæнд хæццæ кæндзæн 40 метры онг. Уый размæ дзы уыди æрмæстдæр нæзы бæлæстæ сагъд. Тæгæр бæлæстæй аллейæ бирæ азты фæстæ дæр уыдзæни фæлтæрты бастдзинад.
