Иттæг хорз бæррæггæнæнтыл æй каст чи фæци, уыдонæн радтой сырх дипломтæ
Цæгат Кавказы хæххон металлургон институты ацыд кадджын мадзал. Иттæг хорз бæррæггæнæнтыл æй каст чи фæци, уыдонæн радтой сырх дипломтæ. Райстой сæ бакалавриаты æмæ магистратурæйы 98 рауагъдоны. Се хсæн – номыл стипендитæ чи иста, уыдон, стæй, институты раз бирæвæрсыг колледж каст чи фæци, уыцы 30 лæппуйы æмæ чызджы. Хуыздæр бæрæрггæнæнтæ равдыстой электро-механикон факультеты рауагъдонтæ. Æрыгон специалисттæн раарфæ кодтой ахуырады æмæ наукæйы министр Алыбекты Эллæ, Уæрæсейы хъæбатыр, сæрмагонд æфсæддон операцийы архайæг Абайты Юрий. Уæлдæр ахуыргæнæндоны æхсæнадон æмæ культурон царды сæхи иттæг хорз кæй равдыстой, уый тыххæй фæсивæдæн бузныджы ныхæстæ загъта ректоры хæстæ æххæстгæнæг Хъамболты Дзамболат. Йæ зæрдæ сын загъта профессионалон æнтыстдзинæдтæ. Рауагъдонты хсæн ис фæсарæйнаг цæрджытæ дæр. Уыдон базонгæ сты бакалавриаты æмæ магистратурæйы программæтимæ. Æрыгон специалисттæн арфæтæ кодтой алы министрадты æмæ ведомствоты минæвæрттæ, институты стратегион партнертæ. Кадджын мадзалы фæстæ арæзт æрцыд бæрæгбоны концерт.
