Цæгат Кавказы хæххон металлургон институты райдыдта кусын абитуриентты гæххæттытæ исæнуат. Уыдонæн сæ фылдæр æвзарынц дæсныйæдтæ «Арæзтад» æмæ «Хохы куыст «. Юридикон, информацион технологиты æмæ электрон техникæйы факультеттæм дæр лæвæрд ис бирæ курдиæттæ. Университеты ис 23 ахуырады хуызы. Бæлвырддæр хабæрттæ радзурдзæн Чехойты Фатимæ.
Галазты Михаил у 5-æм профессионалон училищæйы рауагъдон. Ахуыр куы фæци, уæд ацыд æфсадмæ. Уым бафыста контракт æмæ баззад æфсæддон службæ кæнынмæ. Сæрмагонд æфсæддон операцийы архайдта йæ фыццаг бонтæй фæстæмæ. Ныр та æрыгон лæппу фæнд кæны дарддæр ахуыр кæнын. Йæ гæххæттытæ балæвæрдта Цæгат Кавказы хæххон металлургон институтмæ. Сæрмагонд æфсæддон операцийы чи архайдта, уыцы абитуриенттæн ахуырмæ бацæуынæн ис хицæн квотæтæ.
8 факультеты бакалавриат æмæ магистратурæйы 20 хуызы, уыдонæй уæлдай ма астæуккаг ахуырады 11 дæсныйады. Ацы аз Цæгат Кавказы хæххон металлургон институты байгом ног цæттæкæнынады программæ «Нефтыкуыстгæнæг хъуыддаг». Чи йæ равзара, уыдон магистратурæмæ цæудзысты бадзырдмæ гæсгæ. Ацы къабазы ахуырад райсдзысты 15 адæймаджы. Абитуриенттæ арæхдæр æвзарынц хохы куыст, электроэнергетикæ, архитектурæ æмæ арæзтад. Бюджетон бынæттæ специалитеты фæфылдæр сты 76-æй 96-ы онг. Бакалавриаты та баззадысты фароны æмвæзадыл. Конкурс у стыр. Иу бынатмæ цæуынц 5 адæймаджы.
Баййаты Зæринæ, Цæгат Кавказы хæххон металлургон институты гæххæттытæ исæн къамисы бæрнон секретарь: «Увеличивается количество поступающих. В 23-м году поданых заявлений в СКГМИ было 6000. В этом году мы рассчитываем даже на большее количество поступающих, то есть ждем больше студентов. Если ориентироваться по поступающим 23-го года, 86% поступающих было после средних профессиональных образовательных организаций. Все остальные – по результатам ЕГЭ. Ну и остальной процент составил иностранные граждане из стран СНГ и дальнего зарубежья».
Ахуырмæ цæугæйæ нымад цæуынц алы адæймагæн дæр йе сгуыхдзинæдтæ. Уыдон абитуриенттæн дæттынц уæлæмхасæн баллтæ. Цæгат Кавказы хæххон металлургон институты арæзт æрцыд фыццаг бирæпрофилон студентон къорд. Уый архайджытæ сæ практикæйы рæстæг фæисынц мызд. Институт студенттæн баххуыс кæны куыст ссарынæн æрмæст нæ республикæйы нæ, фæлæ ма нæ бæстæйы алы регионты дæр.
Хъамболты Дзамболат, Цæгат Кавказы хæххон металлургон институты ректоры хæстæ æххæстгæнæг: «Наши выпускники востребованы, трудоустройство составляет около 80%. У нас заключены многочисленные соглашения со стратегическими партнерами. Работает многопрофильный строительный отряд. Студенты вовлечены в практические занятия. По окончании люди имеют возможность трудоустроиться. Наши образовательные программы довольно востребованы. Мы думаем, что контрольные цифры приема на этот год мы закроем. Всех, кто желает получить качественное высшее образование, мы приглашаем в СКГМИ».
Ацы аз институты ис 844 бюджетон бынаты. Абитуриенттæн сæ документтæ бадæттынæн ис алыхуызон фадæттæ. Адæймаг сæ кæнæ йæхæдæг æрбахæсдзæн, кæнæ та сæ æрбарвитдзæн Интернеты æмæ посты бастдзинады руаджы. Абитуриенттæй уæлдæр æмæ астæуккаг ахуырад бюджетон бынæтты кæй фæнда райсын, уыдонæн сæ документтæ бадæттыны бар ис 25-æм июльмæ. Иннæтæн та лæвæрд цæуы фылдæр рæстæг. Гæххæтытæ исæнуат уыдонæн кусдзæн 25 августмæ.
