Дыууæ мæйы дæргъы 35 хуыздæр студенты фæллой кæндзысты нæ бæстæйы егъаудæр заводты æмæ фабрикæты
Цæгат Кавказы хæххон металлургон институты студентты радон отряд абалц кодта куыстадон практикæмæ Челябинскмæ. Дыууæ мæйы дæргъы 35 хуыздæр студенты фæллой кæндзысты нæ бæстæйы егъаудæр заводты æмæ фабрикæты. Уæлдæр ахуыргæнæндоны проректор Гæбæраты Олег куыд загъта, афтæмæй ма фæсивæдæн уыдзæн æхца бакусыны фадат дæр. Уыимæ ма райсдзысты хорз фæлтæрддзинад. Уый та у тынг ахсджиаг, уымæн æмæ инженерон дæсныйæдтæ ныртæккæ тынг хъæугæ сты. Студенттæ ахуыр куы фæуой, уæд сæ зæрдæ дардзысты хорз куысты бынæттыл. Уæ зæрдыл уын æрлæууын кæндзыстæм, ныртæккæ фæсивæд куыстадон практикæмæ ацыдысты Норильскмæ, Красноярскмæ æмæ Новоангарскмæ. Æдæппæтæй сты 200 адæймаджы.
