Алагиры районы экономикон рæзтыл сæрмагонд æмбырд арæзт æрцыд Цæгат Кавказы хъуыддæгты фæдыл Министрады
Цæгат Кавказы хъуыддæгты фæдыл министр Сергей Чеботарев проект «Мамисон» схуыдта, хорз фидæн кæмæн ис, ахæм хæххон туризмы фæз. Алагиры районы экономикон рæзтыл сæрмагонд æмбырд арæзт æрцыд Цæгат Кавказы хъуыддæгты фæдыл Министрады. Республикæйы сæргълæууæг Битарты Вячеслав раарфæ кодта министрады разамындæн, ахæм æргом æмæ æххуыс кæй цæуы, уый тыххæй. Куыд загъта, афтæмæй ацы аз кæронмæ конд æрцæудзæн «Мамысон»-ы проектон-сметон документацийыл куыст. Ныридæгæн инвестортимæ ис æмгуыстады рагагъоммæйы бадзырдтæ. Хъæуы æппæт хъарутæй бацархайын, цæмæй фидæны курортæн хицæн экономикон статус раздахой, уый тыххæй. Уый фадат ратдзæн туристон инфраструктурæ саразынæн, загъта Битарты Вячеслав. Æмбырды ма æрдзырдтой Мамсыонгомы æрдзон хицæндзинæдтыл дæр. Уыдоны фæрцы фидæны проект хъуамæ суа дунейы хæххон туризмы егъаудæр курорттæй иу. Æмбырды кæрон рахастой, протокол бафыссыны уынаффæ. Уымæ гæсгæ Уæрæсейы Кавказы хъæуыддæгты фæдыл министрад æмæ Цæгат Ирыстон кæндзысты æнгом æмархайд.
