Бæлвырд фæтк, дисциплинæ æмæ фидар удыхъæд. Цæгат Кавказы Суворовон æфсæддон училищæйы 31 рауагъдоны райстой аттестаттæ. Ахуыргæнæндонæн уый у 22-æм рауагъд. Лæппутæн сæ фылдæр фæнд кæнынц æфсæддон карьерæ скæнын, æмæ сæ ахуыр адарддæр кæнын. Курсантты хсæн ис сызгъæрин майданты хицæуттæ æмæ спорты мастертæм кандидаттæ. Чехойты Фатимæйæн ныхасы бар.
Ацы фæсивæдæн сæ рауагъдон мадзал у æндæр хуызæн. Дзæнгæрæджы бæсты барабантæ, урс бæрæгбоны дарæс, сырх пъагæттæ. Цæгат Кавказы суворовон æфсæддон училищæйы рауагъдон Дзуццаты Амирæн у йæ царды ног къæпхæн. Ахуыргæнæндон уымæн сси йæ дыккаг хæдзар. Дарддæр та алчидæр фæраст уыдзæн йæхи фæндагыл. Амир фæнд кæны ахуыр кæнынмæ Мæскуыйы Александр Невскийы номыл Æфсæддон университетмæ бацæуын.
Суворовонтæн сæ рауагъдон мадзал, ахæм рæсугъд æмæ цымыдисаг у, æмæ йæ ферохгæнæн нæй. Уыдон кадджын маршæй рацыдысты плацыл. Хæрдмæ æппæрстой сæ формæйы худтæ. Уыцы фæтк æххæстгонд цæуы фæлтæрæй фæлтæрмæ. Курсанттæ-иу, сæ ахуыргæнæндоны тырысайæн кадгæнгæйæ, æрлæууыдысты сæ иу уæрагыл.
Ацы аз Цæгат Кавказы суворовон æфсæддон училищæйы рауагъдонтæ сты 31 адæймаджы. Уыдонæй 4-æй райстой сызгъæрин майдæнтæ, 2-йæ сты спорты мастертæм кандидаттæ, 12-мæ ис ГТО-йы сызгъæрин нысантæ, 3 адæймаджы та сты 3-аг категорийы тæрхогæнджытæ къæдзæхтæм хизынæй. Рауагъдонтæн арфæ ракодта ахуыргæнæндоны разамонæг Тауытты Руслан.
Тауытты Руслан, Цæгат Кавказы Суворовон æфсæддон училищæйы хицау: «Вам предстоит пронести великую силу суворовского братства через всю свою жизни. Помните друг о друге, помогайте друг другу. Обращаюсь к вам, уже как к выпускникам, словами генералиссимуса Суворова. Будьте упорными в достижении цели, не пытайтесь решать все проблемы разом, возьмите на вооружение тактику малых побед. Малая победа – это тоже победа»
Рауагъдонтæн арфæ ракодта РЦИ-А Парламенты сæрдар Тускъаты Таймураз. Йæ зæрдæ сын загъта æхсарджын æмæ тыхджын уæвын. Курсанттæн сæ фылдæр дарддæр фæнд кæнынц уæлдæр æфсæддон ахуыргæнæндæттæм бацæуын.
Тускъаты Таймураз, РЦИ-А Парламенты Сæрдар: «Я хочу пожелать вам большого жизненного профессионального пути. Будьте мужественны и отважны, когда перед вами стоят сложные жизненные задачи. Будьте мудры, когда приходится принимать очень важные жизненные решения. Будьте справедливы в отношениях в коллективе и друг с другом. Я вам желаю большой удачи, а нашей великой стране мира, добра и благополучия. С праздником, друзья!»
Цæгат Кавказы суворовон æфсæддон училищæ иунæг у Уæрæсейы хуссар хайы. Ам ахуыр кæнынц хуыздæртæй хуыздæртæ. Ардæм бахауыны размæ лæппутæ цыдысты лæмбынæг æвзæрстгонд. Ныр 7 ахуыры азы, æфсæддон цæттæ кæнынад æмæ карз фæтк аззадысты фæстейы. Æрбацыдысты æрыгон лæппутæй, цæугæ та кæнынц аслæгтæй. Ныр сæ алчидæр фæраст уыдзæн йæхи истори фыссынмæ.
