«Фыццæгты змæлды» рæнхъытæ баххæст кодтой 80 курсанты
Цæгат Кавказы суворовон æфсæддон училищæйы арæзт æрцыд кадджын æмбырд. «Фыццæгты змæлды» рæнхъытæ баххæст кодтой 80 курсанты. Æвзонг суворовонтæ дзырд радтой, активонæй волонтерты змæлды кæй архайдзысты, æмæ æххуысхъуаг адæмæн се ххусы хай кæй дæтдзысты, уымæй. Змæлды ног активисттæн зæрдиаг арфæтæ ракодтой «Фыццæгты змæлды» регионалон хайады координатор Хъесаты Ирыстон æмæ училищæйы разамынд. Фæсивæдæн ма радтой риуылдаргæ нысантæ. Бæлвырддæр хабæрттæ радзурдзæн Чехойты Фатимæ.
Æппæтуæрæсеон «Фыццæгты змæлд»-ы ног уæнгтæ систы суворовонтæ. Ныфсджын æмæ се *ппæтæй раздæр. Цæттæ сты адæмæн баххуыс кæнынмæ. Уымæн дæнцæг Александр КиппарИ. Ивгъуыд сæрд лæппу йæхицæн æрхъуыды кодта хæрзаудæндзинады хуыз. Радта, рагæй цы фæрæзтæ *мбырд кодта, уыдон, стæй ма бахаста, æхцайæ баргæ чи нæ у, ахæм æвæрæн. Александр-иу ацыди тирмæ æмæ-иу уым цы хъазæнтæ рамбылдта, уыдон лæвæрдта æххуысхъуаг бинонты сывæллæттæн.
Хæрзаудæндзинад æмæ рæстдзинад – ахæмтæ сты бархионты миниуджытæ. Уыдонимæ – ног зонындзинæдтæм тырнындзинад, миддунейы рæзтыл кусын. Арæх бархионты проектты хай суæвын вæййы бинонты фæнд. Малиты Матвейæн уый рауад, 7 азы дæргъы адæмæн чи *ххуыс кæны, уыцы хистæр хойы руаджы. Уымæ гæсгæ лæппу нысан кæны активонæй архайын хæрзаудæндзинады хъуыддаджы, йæ хъомыс уарзон къабæзты равдисын.
«Фыццæгты змæлд»-мæ æрыгон бархионты райсыны мадзал ацыд кадджын уавæры. Ног активисттæн арфæ ракæнынмæ æрбацыдысты змæлды регионалон хайады Советы сæрдар Хъесаты Ирыстон, Цæгат Кавказы суворовон æфсæддон училищейы сæргълæууæг Тауитты Руслан, йæ хæдивæг хъомыладон куысты Михаил Шерстобитов, стæй ныййарджытæ æмæ суворовонты хæлæрттæ. Кадджын уазджытæ училищæйы ахуырдзаутæн радтой Фыццæгты змæлды риуылдаргæ нысантæ. Дзырдтой ахæм организациты ахсджиагдзинады тыххæй алы рæстæджыты, хъомылгæнинæгтæн фæдзæхстой, фидæны царды сæ размæ хæстæ уой, уыдон сæрбæрзондæй куыд æххæст кæной.
«Фыццæгты змæлд»-ы регионалон хайад æмгуыстад кæны Цæгат Кавказы суворовон училищæимæ. Алы аз цы æфсæддон-патриотон хъазт «Зарница» саразы, уым суворовонтæ активонæй фархайынц. Змæлды ног уæнгтæн ныридæгæн фæнд кæнынц сæрды алыхуызон мадзæлттæ саразын.
Фæсивæдон организацитæ – рох гæнæн кæмæн нæй, ахæм фæлтæрддзинад. Уый руаджы суворовонтæн фидар кæны сæ патриотон ахаст, сæвзæры сæм уарзондзинад дунемæ æмæ тырнындзинад зонындзинæдтæ исынмæ.
