Нæ редакцимæ сæ хъаст æрбахастой, бырæттæ ласыны фарстаимæ къуылымпыдзинæдтыл чи сæмбæлд, ахæм амалхъом адæм
Нæ редакцимæ сæ хъаст æрбахастой, бырæттæ ласыны фарстаимæ къуылымпыдзинæдтыл чи сæмбæлд, ахæм амалхъом адæм. Хъаст кæнынц, тарифтæ цæхгæр кæй аивтой, æмæ сын ныр, раздæримæ абаргæйæ, 10 хатты фылдæр кæй нымайынц, уымæй. Фиддонтæ нормативтæй сты дзæвгар фылдæр. Куыд рауад афтæ, уый тыххæй радзурдзæн Касаты Наирæ.
Хадыхъаты Илитæ у амалхъом адæймаг. Кусы рагæй æмæ бырæттæ ласынимæ къуылымпыдзинæдтæ никуы уыди. Фæлæ ног регионалон операторы æрбацыдимæ сæмбæлд къуылымпыдзинæдтимæ. 2020-æм азы Илитæ куыд амалхъом адæймаг бырæттæ аласыны тыххæй мæй фыста 367 сомы. Ацы аз инспектор банымадта амæй размæйы нымæцæй 10 хатты фылдæр. Тарифмæ гæсгæ йын бахастой фæндон мæй æртæ мины фидын. Уый та афæдзмæ у 36 мин сомы.
Быценты Оксанæ 21 квадратон метры дуканийæн афæдзмæ фиды 14 мин сомæй фылдæр. Абаргæйæ, амæй размæ фыста 2 минæй гыццыл фылдæр. Регионалон операторимæ бадзырд у æнæмæнг, фæлæ ахæм стыр æхцатæ цæй тыххæй фидын хъæуы, уый Оксанæ не мбары.
Регионалон операторы специалисттæ зæгъынц, амалхъом адæмæн раст нæ банымадтой сæ тарифтæ бырæттæ ласыны тыххæй. Афæдзы фыццаг æмбисæн уыди 299 сомы 71 капеччы, дыккаг æмбисы та – 313 сомы 50 капеччы. Бадзырд бафыссæн ис цы фадат дзы цы 2 хуызæн ис, уыдонæй иумæ гæсгæ. Сæ иу у нормативтæм гæсгæ фидын.
Ацы уавæртæ цы амалхъом адæмы зæрдæмæ нæ цæуынц, уыдонæн фадат ис æндæр бадзырд бафыссынæн. Фæлæ уæд та абонент йæхæдæг бæлвырд кæны бырæттæ ласыны фæтк. Сæвæрæн ис цавæр фæнды контейнер дæр, амалхъом адæймаджы цавæр хъæуы. ахæм. Ахсджиаг у горæты администрацийы цæх фæлыст æмæ аивдзинады хайады фæз регистраци скæнын. Æрмæст бырæттæ ласæн машинæйæн йæ бон æнæкъуылымпыйæ хъуамæ бацæуын уа контейнермæ. Ныр Хадыхъаты Илитæйы мæймæ фидын хъæудзæн 2 сæдæ сомæй гыццыл фылдæр. Уый та фаронæй дæр у къаддæр. Регионалон оператор дзырд дæтты, инспектортæ раст информаци кæмæн нæ лæвæрдтой, уыцы абоненттæн сæ бон у организацимæ æрбацæуын æмæ бадзырдтæ ногæй сфидар кæнын.
Кæд искæмæ исты фарстатæ фæзына, уæд алкæйы бон дæр у комкоммæ регионалон оператормæ бацæуын æмæ дзуапп бацагурын.
