Нæ республикæйы филармонийы сценæйы фæсивæд акодтой адæмон кæфтытæ
Цæгатирыстойнаг ансамбль «Хæхты сывæллæттæ» æмæ Цæцæны республикæйы сфæлдыстадон коллектив «Даймохк» радтой хæлардзинады концерт. Нæ республикæйы филармонийы сценæйы фæсивæд акодтой адæмон кæфтытæ. Зæгъын хъæуы уый, æмæ концерт уыд хæрзаудæн. Цы фæрæзтæ сæмбырд кодтой, уыдон радтой Адæмон фронты регионалон хайадæн. Уыдонæй гуманитарон æххуыс арвитдзысты сæрмагонд æфсæддон операцийы зонæмæ.
Æрыгон артисттæн сценæмæ сæ алы рацыд дæр вæййы цавæрдæр æхсызгон æнкъарæнтæй дзаг. Ансамбльтæ «Хæхты сывæллæттæ» æмæ «Даймохк»-æн амæй размæ Цæцæны паддзахадон академион ансамбль «Вайнах»-ы сценæйы уыди хæлардзинады концерт. Ныр та – фæсивæд се сфæлдыстад равдыстой Цæгат Ирыстоны.
Хæлар æмæ æхсызгон зæрдæйы ахастимæ арстисттæ алы номеры дæр бавæрынц фылдæр æнкъарæнтæ. Адæмон кафты ансамбль «Хæхты сывæллæттæн» иумæйаг концерттæ сты тынг ахсджиаг.
Фестиваль æрмæст хæлардзинады бæрæгбон нæ уыди. Концерт уыди хæрзаудæн. Цы фæрæзтæ дзы æрæмбырд кодтой, уыдон барвыстой «Адæмон фронт»-ы регионалон хайадмæ, уым сæрмагонд æфсæддон операцийы хæстонтæн сæмбырд кæндзысты гуманитарон æххуыс.
«Хæхты сывæллæтты» æмæ «Даймохк»-ы сфæлдыстадон къордтæн саккаг кодтой Цæгат Ирыстоны культурæйы министрады кады гæххæттытæ. Фæлæ се стырдæр хорзæх уыди аивадуарзджыты æхсызгон æнкъарæнтæ, стæй ног хæлæрттæ скæныны фадат.
