Уый тыххæй йæ телеграм-каналы фехъусын кодта республикæйы сæргълæууæг Сергей Меняйло
Ацы азы 6 мæймæ цæгатирыстойнаг дохтыртæ алы низтæ бæлвырд кæныны тыххæй скодтой 31 мин иртæстытæй фылдæр, аразгæ интеллекты фæрцы. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Нырыккон технологитæ дохтыртæн æххуыс кæнынц сæры магъзы, риуы гуыдыры оргæнты патологитæ бæрæг кæнын, мамоографийы æмæ флюорографийы хатдзæгтæ иртасын. Медиктæ куыд зæгъынц, афтæмæй ахæм системæ зынгæ фæстауæрц кæны рæстæг æмæ къаддæр кæны рæдыдтытæ. Аразгæ интеллектæй республикæйы медиктæ пайда кæнын райдыдтой фарон. Райдыдтой риуы гуыдыры иртæстытæй. Ныр сæ хыгъд фæуæрæхдæр. Ахæм гæнæн фæзынд нацпроект «Æнæнниздзинадхъахъхъæнынад»-ы фæрцы. Медицинон æххуысы хæрзхъæддзинад дарддæр хуыздæр кæндзысты ног национ проект «Дæргъвæтин æмæ активон цард»-мæ гæсгæ.
