Архайджытæ цы экскурситы проекттæ бацæттæ кодтой, уыдон хаст æрцæудзысты фæсивæды Федералон проектмæ
Цæгатирыстойнаг гидтæ-экскурсоводтæ рацыдысты Æппæурæсеон конкурс «Проводиники смыслов»-ы финалмæ. Архайджытæ цы экскурситы проекттæ бацæттæ кодтой, уыдон хаст æрцæудзысты фæсивæды Федералон проектмæ. Уæлахиздзау суæвыныл ерыстæ цæудзысты декабры Красногорскы. Бæлвырддæр радзурдзæн Чехойты Фатимæ.
Горæтыл афæлгæсын, йæ цымыдисаг историйыл андзæвын, йæ сусæг хабæрттæ йын раргом кæнын. Дзæуджыхъæуимæ ахæм хуызы зонгæ кæнын у гид-тæлмацгæнæг Гутъынаты Натальяйы хъæппæрис. Чызг йæ проект бацæттæ кодта æппæтуæрæсеон конкурс «Проводники смыслов»-ы архайынмæ. Йæхæдæг куыд зæгъы, уымæ гæсгæ йæ куыст цымыдисаг уыдзæн æрыгон фæлтæрæн.
Конкурсы финалмæ рацыд Гаглойты Эллæ дæр. Йæ проект уыд Куырттаты комы тыххæй. Ирыстоны рæсугъддæр бынæттæм ын хуымæтæг экскурси нæ нæу. Бацæттæ ма кодта дæсныйадæвдисæг ахуыртæ дæр.
Конкурсы финалмæ ма нæ республикæйæ рацыдысты Вячеслав Санников æмæ Олег Новаторов. Уыдоны куыстытæ уыдысты тынг цымыдисаг. Ацы конкурс, йæ архайджыты хъуыдымæ гæсгæ, у хорз фадат æрыгæттæн сæ арæхстдзинад равдисынæн.
Конкурсы финал ацæудзæн декабры Красногорскы. Йæ архайджытæм æнхъæлмæ кæсы цымыдисаг ахуырадон программæ.
