11 июня 2025, 10:40
Цæгатирыстойнаг спортивон гимнасттæ систы æппæтуæрæсеон фестиваль «Лига гимнастики»-йы призертæ Сочийы
Ахæм егъау ерысы уавæрты дæр цæгатирыстойнаг командæтæ схызтысты кады пъедесталмæ
Цæгатирыстойнаг спортивон гимнасттæ систы æппæтуæрæсеон фестиваль «Лига гимнастики»-йы призертæ Сочийы. Информацион портал «15 регион» куыд фехъусын кодта, афтæмæй турниры архайдтой 1 265 æвзонг спортсменæй фылдæр нæ бæстæйы 79 профессионалон скъолатæй æмæ клубтæй. Ахæм егъау ерысы уавæрты дæр цæгатирыстойнаг командæтæ схызтысты кады пъедесталмæ. Сты 2017-æм азы гуырд лæппутæ æмæ чызджытæ, æмæ сæ арæхстдзинад æвдыстой дыууæ æвзонг разряды. Бацæттæ сæ кодта тренер Карэн Данилянц. Уый куыд загъта, афтæмæй сæ нысантæм гæсгæ сæхи бацæттæ кæндзысты хистæр разрæдтæм, стæй ма сæ арæхстдзинад равдисдзысты гимнастикæйы Лигæйы. Ерыстæ ацæудзысты зымæджы.
темæмæ гæсгæ
