Ныртæккæ чемпионкæ йæхи цæттæ кæнын райдыдта спартакиадæмæ
Цæгатирыстойнаг спортсменкæ Итониаты Самирæ сси Европæйаг ерысты уæлахиздзау боксæй. Ерысты архайджытæ уыдысты 15-16 азы кæуыл цæуы, ахæм чызджытæ. Финалон рацыды Самирæ фæуæлахиз Литвайы минæвар Эвелина Лесикыл. Ахæм иттæг хорз бæрæггæнæнтæ йæ къухы бафтыдысты йæ куыстуарзондзинады, стæй йæ фидар удыхъæды фæрцы. Спортсмнекæимæ фембæлд не сфæлдыстадон къорд. Бæлвырддæр Касаты Наирæ.
Сызгъæрин майдан райсынмæ фæндаг æнцон нæу. Æрвылбоны сахатгай тренировкæтæ. Итониаты Самирæ иттæг хорз цæттæдзинады аргъ 2 азы зæрдиаг куыст. Уыцы рæстæг фаг уыди, боксæй европæйаг чемпеионаты тыхджындæр суæвынæн. 80 кг онг уæзы разынди æппæтæй арæхстджындæр. Самирæ уыди Цæгат Ирыстоны иунæг минæвар. Йæхæдæг куыд зæгъы, афтæмæй ацы æмвæзадмæ схызти, йæ бинонты æххусæй æмæ йыл кæй æууæндыдысты, уый руаджы.
Хиуыл æнæрлæугæйæ кусгæйæ йæ къухы бафтыд дзæвгар æнтыстдзинæдтæ, равдыста, фæсивæды хсæн боксы хуыздæр суæвын йæ бон кæй у, уый. Йæ тренертæ куыд зæгъынц, афтæмæй Самирæйыл цы ныфсытæ æвæрдтой, уыдон æппæт дæр сæххæст кодта. Чызг йæ хъомылгæнæгимæ нырæй фæстæмæ дæр архайдзæн йæ техникæ фæхуыздæр кæныныл.
Ацы чызджытæ алы бон дæр кусынц сæхиуыл æмæ æвдисынц, æрмæст нæлгоймаджы спорты хуыз кæй нæй, уый. Залы тренировкæтæ цæуынц сæхи фæтк æмæ традицитæм гæсгæ. «Чызджытæ æмæ лæппутæ æмдых». Тренерты хъуыдымæ гæсгæ, спортсменкæтæ арæх вæййынц фæразондæр. Интенсивон тренировкæтæ кæнынц хæрзхъæддæр æмæ ахадгæдæрæй.
Ныртæккæ чемпионкæ йæхи цæттæ кæнын райдыдта спартакиадæмæ. Уый ты ацæудзæн Ульяновскы 27-æм июлы.
