Профессионалон гидтæ фæсивæдæн сарæзтой экскурситæ, радзырдтой сын бæстæйы æфсæддон историйы тыххæй, стæй æфсæддон-промышленон комплексы æнтыстдзинæдты тыххæй дæр
Парк «Патриот», Мæскуыйы хъахъхъæнынады музей, Уæлахизы музей, Сырх фæз… Цæгатирыстойнаг сывæллæттæ бабæрæг кодтой Мæскуыйы рæсугъддæр æмæ зæрдылдарæн бынæттæ. Профессионалон гидтæ фæсивæдæн сарæзтой экскурситæ, радзырдтой сын бæстæйы æфсæддон историйы тыххæй, стæй æфсæддон-промышленон комплексы æнтыстдзинæдты тыххæй дæр. Сывæллæтты Мæскуымæ арвитыны хъæппæрис разынд республикæйы фæсивæды хъуыддæгты комитеты æмæ æфсæддон – патриотон хъомылады центры минæвæрттæм. Æдæппæтæй ацыдысты 50 адæймагæй фылдæр. Уыдон та – патриотон мадзæлтты уæлахиздзаутæ, хорз чи ахуыр кæны, æххуысхъуаг бинонтæй чи рацыд, стæй сæрмагонд æфсæддон операцийы чи архайы, уыдоны сывæллæттæ. Балцы рæстæг ма фæнд кæнынц ацæуын Волгоградмæ дæр.
