Ахуырты архайы Уæрæсейы æнæнхъæлæджы уавæрты министрады 60 ирвæзынгæнæгæй фылдæр
Цъæйы арæзт æрцыдысты Æппæтуæрæсеон æмбырдтæ альпинистон цæттæдзинадæй. Ахуырты архайы Уæрæсейы æнæнхъæлæджы уавæрты министрады 60 ирвæзынгæнæгæй фылдæр. Бацæттæ сын кодтой хъæздыг ахуырадон программæ. Хауынц æм теоретикон ахуыртæ æмæ практикон фæлтæрæнтæ. Инструкторты хуызы æмбырдтæм æрбахуыдтой, альпинизмы æмæ хæхты агурæн-ирвæзынгæнæн куыстыты фылдæр фæлтæрддзинад кæмæ ис, уыцы ирвæзынгæнджыты. Архайджытæ æххæст кæнынц алыхуызон фæлтæрæнтæ. Сæ хыгъды – агурæн-ирвæзынгæнæн куыстытæ, хъыгдардбаййафджыты транспортировкæ æмæ эвакуаци, фыццаг æххуыс бакæнын, хæхтæм сæрмагонд ифтонггæрзтимæ хизыны техникæ, хæхты боныхъæд иртасын. Уæ зæрдыл уын лæууын кæнæм, æппæтуæрæсеон æмбырдтæ æнæнхъæлæджы уавæрты министрады ирвæзынгæнджыты альпинистон цæттæдзинадæй Цæгат Кавказы хæххон регионты арæзт фæцæуынц алы аз дæр.
