Архайы ма дзы Белоруссийы æнæнхъæлæджы уавæрты министрады делегаци дæр
Цъæйы комы цæуынц æнæнхъæлæджы уавæрты министрады ирвæзынгæнджыты æппæтуæрæсеон æмбырдтæ альпинистон цæттæдзинадæй. Архайы ма дзы Белоруссийы æнæнхъæлæджы уавæрты министрады делегаци дæр. Сæ квалификаци бæрзонддæр кæнынц 50 специалисты онг. Æмбырдты рæстæг архайджытæ бакусдзысты къæдзæхтыл цæуынæй алыхуызон техникæтыл, базондзысты бæндæнтимæ кусын, фыццаг медицинон æххуыс кæнын æмæ эвакуаци кæныны хуызтæ. Æртыккаг аз Цъæйы ком свæййы ирвæзынгæнджыты-альпинистты цæттæдзинады сæйраг фæз. 3 къуырийы дæргъы архайджытæ базонынц кæрæдзийы фæлтæрддзинад, хæхты уавæрты агурæн-ирвæзынгæнæн операцитæ æххæст кæныны зонындзинæдтæ фæхуыздæр кæнынц, стæй сæ альпинистон арæхстдзинад фæбæрзонддæр кæнынц. Альпинистон цæттæдзинадæй æппæтуæрæсеон æмбырдтæ цæуынц бæстæйы 2 регионы. Цъæйы комæй фæстæмæ ма уыдзысты Камчаткæйы хæхты.
