Кусынц дзы комеди «Как я встретил ее маму»
Цæллагкаты мыггаджы мæсыг та радон хатт сси киноисæн фæз. Кусынц дзы комеди «Как я встретил ее маму». Кино дарддæр исдзысты Сочийы æмæ Мæскуыйы. Сфæлдыстадон къорды куыстæн йæ фылдæр хай нысан кæнынц Цæгат Ирыстоны скæнын. Кино исгæйæ дзы архайдзысты Уыналы æмæ йæм хæстæг цы хъæутæ ис, уыдоны цæрджытæ, адæмон кафты ансамбльтæ æмæ республикæйы артисттæ дæр. Æхсызгон ма уый у, æмæ дзы хъуысдзæн ирон музыкæ. Ктнонывы сюжетмæ гæсгæ, 25 аздзыд Кавказаг лæппу Давид рагæй дæр цæры Сочийы, æмæ йæ хæстæджыты сусæгæй кафы нырыккон кæфтыты труппæйы. Бауарзта уырыссаг чызг Аленæйы, æмæ й фæнды уыимæ йæ цард сбæттын. Фæлæ чызджы мад у къайы ныхмæ. Лæппу сфæнд кодта йæ уарзон чызджы аскъæфын. Фæлæ, фæрæдыдысты, æмæ чызджы бæсты Кавказмæ аластой Аленæйы мады. Кинотеатралон нывы премьерæ нысангонд æрцыди иннæ азмæ.
