20 января 2022, 12:50
Цæллагты мыггаджы мæсыгæй историон хæзнатæ кæй адавтой, уый тыххæй арæзт æрцыд уголовон хъуыддаг
Мидхъуыддæгты министрады Алагиры районы хайады пъæлицæйæгтæ азымджыны ссардтой
Цæллагты мыггаджы мæсыгæй историон хæзнатæ кæй адавтой, уый тыххæй арæзт æрцыд уголовон хъуыддаг. Мидхъуыддæгты министрады Алагиры районы хайады пъæлицæйæгтæ азымджыны ссардтой. Уый разынд, раздæр тæрхонгонд кæмæн цыди, ахæм 27 аздзыд нæлгоймаг Алагиры районæй. Йæхæдæг басасти, 12 экспонаты кæй адавта, ууыл. Мидхъуыддæгты пресс-службæ куыд фехъусын кодта, афтæмæй фыдгæнæгмæ ссардтой, дуар цæмæй басаста, ахæм кусæнгæрзтæ, стæй кæй адавта, уыцы дзаумæтты иу хай. Иннæ хай та радта æфсæйнаг исæн пунктмæ. Фыдгæнæгæн ныртæккæ нæй республикæйæ ацæуыны бар. Давды тыххæй йæ бон у 5 азы ахæстоны фæбадыны тæрхон райсын.
темæмæ гæсгæ
