Цæрæнуæтты-коммуналон службæтæ цæттæ кæнынц зымæгмæ. Дзæуджыхъæуы кусдзысты ног митсыгъдæггæнæн машинæтæ. Уый фадат ратдзæн мит афоныл æфснайынæн, цæмæй их æмæ чизи дæтты аххосæй фæндæгтыл фыдбылызтæ ма уа. Ацы аз пайда кæндзысты ног экологон реагенттæй. Куыд сыгъдæг кæндзысты фæндæгтæ æмæ сæ куысты цы ногдзинæдтæ уыдзæни, уый тыххæй Гæджиты Сосланы æрмæг.
Фæлладуадзæн рæстæг фæстæ бирæвæрсыг машинæтæ кæй зæгъын æй хъæуы сты базилинаг. Гыццыл цалцæггæнæн куыстыты фæстæ цæттæ сты ногæй куысты уæлхъус æрлæууынмæ. Ахсджиаг у, машинæйы æппæт кусæнгæрзтæ сбæрæг кæнын. Зымæгон ацы машинæтыл æвæрд вæййы фæндæгтæ сыгъдæг кæныны бæрнондзинад.
Ныртæккæ Дзæуджыхъæуы автопарчы ис 15 бирæвæрсыг машинæйы. Фæнд ма йæ кæнынц ноджыдæр 9 машинæйæ фæфылдæр кæнын. Уый фадат ратдзæни куыстытæ дзæвгар тагъддæр кæнынæн. Зымæгон сезонмæ цæттæ сты трактортæ дæр, уыимæ, къахвæндæгтæ сыгъдæггæнæн техникæ дæр. Ныр, фæндæгтыл пырх кæндзысты æрдзæн знаггад чи нæ кæны, ахæм сæрмагонд реагент. Компанийы уыцы практикæ сфæлхат кодтой æндæр регионты фæлтæрддзинадæй.
Уынгтæ сыгъдæг кæныныл рæстæг хардзгонд цæуы 5 сахаты онг. Кусджыты хсæн фæндæгты уаццагтæ адих кодтой æмхуызæн.
Зымæгон сезон райдайдзæн 15-æм ноябры. Техникæйæ уæлдай, цæттæ сты, машинæтыл чи кусдзæн, уыдонæ дæр. Уыдон, 30 шофыры. 200 кусæджы та архайдзысты мит сыгъдæггæнгæйæ машинæтæ цы фæндаджы уаццагтыл арæхсой, уым.
