28 сентября 2022, 11:23
Цæстдарæн-уадзæн пункт «Уæллаг Ларс»- ы ахизынæн бар радтой фистæгæй дæр
Ахæм уынаффæ цæугæ æмбырды рæстæг рахаста мидхъуыддæгты министр Андрей Сергеев
Цæстдарæн-уадзæн пункт «Уæллаг Ларс»- ы ахизынæн бар радтой фистæгæй дæр. Ахæм уынаффæ цæугæ æмбырды рæстæг рахаста мидхъуыддæгты министр Андрей Сергеев. Уый тыххæй хъусын кæны ведомствæйы пресс-службæ. Арæнтыл сæвзæрд уавæры фарстаты фæдыл æмбырды ма архайдтой Паддзахадон инспекцийы хицау, æдасдзинады федералон службæйы арæнхъахъхъæнæг управленийы æмæ Цæгат Ирыстон таможняйы разамонджытæ дæр. Куыд бафиппайдтой афтæмæй, Гуырдзыйы рдæм цы рог машинæтæ цæуы, уыдон афтæ бирæ сты, æмæ æвзæрын кæнынц къуылымпыдзинæдтæ. Арæзт цæуынц алыхуызæн гæнæнтæ, фæлæ уал уавæр нырма у карз. Хъуыддаг домы уæлæмхасæн мадзæлттæ, уыимæ æвæстиатæй.